Lengua Lombarda Lengua d’Europa

19 APRILE 2018

Serada de enconter e dialog in su la lengua lombarda e i so varietaa locai.
La redescoverta del lombard.

Marc Tamburell l’è docent de bilenguism ind el departiment de Lenguistega de l’Universitaa de Bangor, in Galles, indovè qe al fa recerca in sul desvilup del lenguaj in etaa infantil ind el contest del bilenguism simultani.
A l’è intra i organizador dei conferenze internazionai CLOW (Contested Languages in the Old World).
L’è stait recercador ind el departiment de Psicolojia de la Nottingham Trent University e al collabora cont el Departiment de Fonetega e Lenguistega del University College London.
I so interess academeg principai a inn : el bilenguism simultani in etaa infantil, el desvilup de la sintass, l’organizazion lessegal ind i sojet bilengov, la defesa e el desvilup dei lengue minoritarie e, in particolar, i lengue del territori italian.
Ind el 2001 l’ha otegnud la laurea in lenguistega jeneral ind la University College London de Londra e ind el 2007 l’ha otegnud un dotorad de recerca (Ph.D) ind el medem atenee cont una tesi in sul bilenguism infantil.
Al parla lombard, ingles, greg e italian.

Simona Scuri, laureada in lengue a l’è staita responsabil de l’ofici edizion foreste per la cà d’edizion 24 ORE Cultura e adess l’è responsabil dei projets editoriai Europei per la cà d’edizion Skira de Milan.
La collabora, insema a’l Lissander Brasca a’l projet YouTube ParlarLombard e la organiza dei conferenze in lengua lombarda del 2012.
A l’è coordinadora per la Lombardia del CSPL, Comitad Salvaguardia Patrimoni Lenguisteg e president de ‘Far Lombard Associazion per la lengua lombarda’.
La parla lombard, ingles, frances, todesc e italian.

Lissander Brasca, lauread in Lengue e Scienze Lenguistege cont una tesi in sui sintagma interrogativ lombards, a l’è dree a far un Ph.D. in lenguistega.
L’è anca museg e cantautor in lengua lombarda.
L’ha elaborad un sistema ortografeg polinomeg (Scriver Lombard) per representar de una manera democrategament uniforma tute i varietaa locai de la lengua lombarda. A l’è co-fondador de ‘Far lombard, associazion per la lengua lombarda’.
Al parla lombard, ingles, spagnœl, frances e italian.

Modera la serata in ricordo di Cici Bonazzi: Bruno Ciapponi Landi

In diretta Skype con l’Australia.

http://www.valtellinanews.it/articoli/i-lombardi-hanno-diritto-ad-una-loro-lingua-20180416/

Pubblicato da Progetto Alfa α su Martedì 17 aprile 2018

Lengua Lombarda Lengua d’Europa

Pubblicato da Progetto Alfa α su Giovedì 19 aprile 2018